ԱԺ նախագահ Ալեն Սիմոնյանն այսօր ամբիոնից անդրադարձավ անկախ պատգամավոր Հակոբ Ասլանյանի՝ անհետ կորածների ծնողների հետ զրույցին, որտեղ վերջինս ասել էր․ «Դիմացեք, 2 ամիս բան մնաց, հեսա Նիկոլին ու նրա ընկերներին ռադ կանենք կեթա»։ Սիմոնյանը այդ հայտարարությունը որակեց «ծիծաղելի ու նողկալի»։
Նա նաև հիշեցրեց, որ Ասլանյանը նախկինում «խմբակցության նիստի ժամանակ լաց էր լինում և աղաչում, որ մնա խմբակցության մեջ», հավելելով, որ նման դեպքեր քաղաքական կյանքում եղել են ու կլինեն։
Սիմոնյանն Ասլանյանին անվանեց «քաղաքական Պանիկովսկի»՝ նշելով, որ «ռադ են արել», սակայն «այնպես են պահել, որ թոշակի հարցը լուծի»։
Նիստի ընթացքում Ասլանյանը փորձեց տեղից արձագանքել, սակայն նրան ընդհատեց նիստը վարող Ռուբեն Ռուբինյանը՝ հորդորելով չարձագանքել, սպառնալով հեռացնել դահլիճից։
