Հեզբոլլահ-ի միլիցիայի մարտիկները հարվածներ են հասցրել Իսրայելի Վերին և Արևմտյան Գալիլեայի բնակավայրերին՝ արձակելով ավելի քան 70 հրթիռ: Այս մասին հայտնել է ՏԱՍՍ-ը՝ հղում անելով Al Hadath հեռուստաալիքին:
Ըստ նրա տեղեկությունների՝ դրանց մեծ մասը որսացել է «Երկաթե գմբեթ» ՀՕՊ համակարգը կամ ընկել են չբնակեցված տարածքներում՝ վնաս չպատճառելով:
Հեզբոլլահը իր ռազմական հաղորդագրության մեջ հայտարարել է, որ գրոհել է իսրայելական բանակի դիրքերն ու ճամբարները Ավիվիմում, Յարոնում, Կիրյատ Շմոնայում, Մետուլայում և Էվեն Մենահեմում:
«Իսլամական դիմադրության ջոկատները հրթիռային հարվածներ են հասցրել Գաատոնում 146-րդ զրահատանկային դիվիզիայի շտաբին, Ռամոտ-Նաֆտալիում թշնամական ուժերի զորանոցին և Տվերիայի շրջակայքում գտնվող բանակային բազային»,- ասվում է տեքստում:
Հարավային Լիբանանի տարածք մտած իսրայելական հատուկ ստորաբաժանումների դեմ իրականացված զինված գործողությունների ընթացքում Հեզբոլլահի մարտիկները խոցել են թշնամու չորս Merkava տանկ և «երկիր-օդ» դասի հրթիռով կործանել Hermes 450 անօդաչու թռչող սարքը Այնաթա քաղաքի վերևում:
