Լրագրող Անի Ներկարարյանը գրում է․
Հարգելի՛ հայրենակիցներ
Լրագրողական գործունեության ընթացքում շփվել եմ հազարավոր քաղաքացիների հետ, անցկացրել հարցումներ, լսել նրանց խնդիրները, դժգոհություններն ու սպասումները։ Այդ ամենը վերլուծելով՝ եկել եմ այն համոզման, որ միայն բարձրաձայնելը բավարար չէ․ անհրաժեշտ է նաև պատասխանատվություն ստանձնել և ներգրավվել որոշումների կայացման գործընթացում։
Այս գիտակցումով որոշել եմ մասնակցել հունիսի 7-ին կայանալիք ԱԺ ընտրություններին։
Որպես անհատ՝ միանում եմ «Ռեֆորմիստներ» շարժմանը, որտեղ ինձ վստահվել է ընտրական ցուցակում զբաղեցնել երրորդ հորիզոնականը։
Այս քայլը ինձ համար ոչ միայն քաղաքական մասնակցություն է, այլ նաև պատասխանատվություն՝ ձեր բարձրաձայնած խնդիրները տեղ հասցնելու և դրանց լուծմանը նպաստելու համար։
Շնորհակալ եմ վստահության համար։ Պատրաստ եմ շարունակել իմ աշխատանքը նույն սկզբունքով՝ լսել, բարձրաձայնել և այս անգամ արդեն նաև մասնակցել լուծումների ձևավորմանը։
