«Լուսավոր Հայաստան» կուսակցությունը կմասնակցի հունիսի 7-ին Հայաստանում կայանալիք խորհրդարանական ընտրություններին։
Կուսակցության նախագահ Էդմոն Մարուքյանը հայտարարել է, որ շուրջ 6 ամիս իրենք ամեն ինչ արել են, որ ընդդիմությունն այս ընտրություններին մասնակցի մեկ ճակատով, սակայն դա չի ստացվել։
«Արձանագրում ենք, որ դա չի ստացվել, յուրաքանչյուրը իր ճանապարհով է գնացել, և մենք Կարպիսի հետ որոշել ենք մեր ճանապարհով գնալ, որի նպատակը մեկն է՝ ծառայել Հայաստանի Հանրապետությանը»,- նշել է Մարուքյանը։
Լրագրող Կարպիս Փաշոյանը գրել էր, որ ժամանակավորապես դադարեցնում է լրագրողի և քաղաքական մեկնաբանի գործունեությունը՝ «Լուսավոր Հայաստան» կուսակցության ցուցակով ընտրություններին մասնակցելու համար։
