Ես բանվորություն շատ եմ արել, իմ աշխատանքային գործունեությունը սկսել եմ բանվորությունից, երբեք որևէ աշխատող մարդու նկատմամբ չեմ կարող որևէ անհարգալիցության դրսևորում ցուցաբերել։ Այս մասին ճեպազրույցի ժամանակ ասել է վարչապետ Նիկոլ Փաշինյանը՝ անդրադառնալով «Ֆայլաբազարի» աշխատակիցներին, սեփական քրտինքով աշխատելուն, և այդ գործով զբաղվողներին ծաղրելու մասին հարցին:
«Տասնյակ անգամներ Կառավարության նիստում հայտարարել եմ, որ չկա այդպիսի աշխատանք, որը արժանի չէ հարգանքի, երբ որ Հայաստանի Հանրապետության ժողովուրդը կորոշի, որ ես պետք է հեռանամ, ես կհեռանամ, ընդ որում՝ դա երբեք չեմ կարողում կապել ընտրությունների հետ: Ես հեղափոխությամբ եմ դարձել վարչապետ, բնականաբար միշտ ճանաչել եմ և ճանաչում եմ Հայաստանի Հանրապետության ժողովրդի հեղափոխություն անելու իրավունքը:
Եթե ժողովուրդը որոշի, որ ես պետք է կանգնեմ գնդակահարության պատի տակ, ես հլու կկանգնեմ գնդակահարության պատի տակ, ինքս ժողովրդին հեղափոխության կոչ եմ արել, բայց դա չի նշանակում, որ երբ 10,000, 20,000, 30,000 քաղաքացի հավաքվում է որևէ հարցով, ուրեմն վարչապետը պետք է հրաժարական տա, վարչապետի հրաժարական տալը և հեռանալը դա շուտ լուրջ և պատասխանատու քայլ է»,- նշել է նա:
