Իսրայելի պաշտպանության բանակը մի շարք հարվածներ է հասցրել Լիբանանի հարավին՝ չնայած հրադադարի համաձայնագրին: Իսրայելական հրամանատարությունը հայտարարել է, որ հարձակումներն իրականացվել են հրադադարը խախտած և իսրայելական դիրքերին մոտեցած զինված խմբավորումների անմիջական սպառնալիքը վերացնելու համար:
Գործողությանը մասնակցել են Ռազմաօդային ուժերը, հրետանին և ցամաքային ստորաբաժանումները: ՑԱԽԱԼ-ից ընդգծել են, որ հրադադարը չի սահմանափակում բանակի ինքնապաշտպանության իրավունքը, և իսրայելական ուժերը կշարունակեն մաքրել իրենց վերահսկողության տակ գտնվող տարածքները ահաբեկչական ցանկացած ենթակառուցվածքից:
