Ահա սա է քոչարյանական պրոպագանդայի դեմքն ու որակը՝ ստախոս, անդեմ և ատելություն սերմանող։ Հիմա սրանց մնացել է միայն մի բան անել՝ խաբելով ռուսական որոշ շրջանակների՝ պսևդոընդդիմադիր պայքարի անվան տակ փող փախցնել, դավադրապաշտական ստեր ու ատելություն տարածել՝ թիրախավորելով կոնկրետ մարդկանց ու ընտանիքների։
Գրել է Սուրբ Աթոռում ՀՀ նախկին արտակարգ և լիազոր դեսպան Միքայել Մինասյանը՝ անդրադառնալով Տելեգրամյան ալիքներից մեկում իրեն թիրախավորող վիրավորական գրառմանը։
«Ահա սա է քոչարյանական պրոպագանդայի դեմքն ու որակը՝ ստախոս, անդեմ և ատելություն սերմանող։
Սրանք սկզբում այլ տեխառաջադրանք ունեին՝ մաքրել Ռոբերտ Քոչարյանի թիմին ու ընտանիքին 2018 թվականի իրադարձություններին մասնակցելու խարանից։ Հենց այդ ժամանակ ստեղծվեց առաջին ֆեյք էջը՝ «Առասպելական Հայաստանը», որով սկիզբ դրվեց «Ով է Նիկոլին իշխանության բերել» PR օպերացիային։
2020 թվականի կապիտուլյացիայից հետո եկավ հաջորդ առաջադրանքը՝ «Կրելու ենք» օպերացիան։ Երբ դա էլ ձախողվեց, սկսվեց այն, ինչ շարունակվում է մինչև այսօր՝ ընդդիմադիր դաշտի ամայացում և բոլոր միջոցներով ընդդիմադիրների դեմորալիզացում։
Դրանով են զբաղված քոչարյանական պրոպագանդիստները։
Դա անում են հրահանգավորված ու համակարգված ձևով։ Կատաղած շան պես աշխատելով հանդերձ՝ մարգինալ են ու անիմաստ:
Արդյունավետ լինեին՝ Հայաստանը Թուրքիայի վիլայեթ չէր դառնա, իրենք էլ չէին մնա պատմության լուսանցքում:
Երկրորդ նախագահի «վոյինի» իմիջից չէին գահավիժի մաշված ընդդիմադիրի, որի կենսագրության միակ հիշվող դրվագը «Պոպլովոկի» չարչրկված միջադեպը մնաց։
Հիմա սրանց մնացել է միայն մի բան անել՝ խաբելով ռուսական որոշ շրջանակների՝ պսևդոընդդիմադիր պայքարի անվան տակ փող փախցնել, դավադրապաշտական ստեր ու ատելություն տարածել՝ թիրախավորելով կոնկրետ մարդկանց ու ընտանիքների։
Բայց դրանով նրանք ժողովրդին չեն մոտենում, ոչ էլ ժողովրդի մաս են դառնում։ Դրանով նրանք նմանվում են Նիկոլին՝ ոճով, ատելությամբ ու ագրեսիվությամբ։
Իսկ այդ մասին ավելի մանրամասն՝ վաղը»։
