Իրանի զինված ուժերը հայտարարել են անօդաչու թռչող սարքերի օգնությամբ ամերիկյան ռազմանավերին հարվածներ հասցնելու մասին՝ ի պատասխան իսլամական հանրապետությանը պատկանող նավի զավթման։ Այս մասին հայտնում է ՏԱՍՍ-ը՝ հղում անելով Tasnim գործակալությանը։
Ըստ Իրանի ԶՈւ «Խաթամ ալ-Անբիա» կենտրոնական շտաբի ներկայացուցչի տեղեկությունների՝ ամերիկյան զինվորականների կողմից զավթված նավը Չինաստանից ուղևորվում էր Օմանի ծոց. նրանք, խախտելով հրադադարի ռեժիմը, գնդակոծել են այն և շարքից հանել նավագնացության համակարգը։ Ի պատասխան՝ Իրանը անօդաչուներով գրոհել է ԱՄՆ նավերը։
Կենտրոնական շտաբի ներկայացուցիչն ընդգծել է, որ հանրապետության զինված ուժերը մտադիր են շարունակել պատասխանել ամերիկյան կողմի ծովահենությանը և հարձակումներին։
