Ֆրանսիան ոգեկոչում է 1915 թվականի Հայոց ցեղասպանության տարելիցը և խոնարհվում է զոհերի հիշատակի առջև: Այս մասին X-ի էջում գրել է Ֆրանսիայի նախագահ Էմանուել Մակրոնը:
«Այս ապրիլի 24-ին Ֆրանսիան ոգեկոչում է 1915 թվականի Հայոց ցեղասպանության տարելիցը և խոնարհվում զոհերի հիշատակի առջև: Սա առիթ է հիշելու, փոխանցելու և ընդգծելու այն անքակտելի կապը, որը միավորում է Ֆրանսիան Հայաստանին, իսկ ֆրանսիացիներին՝ հայերին»,- գրել է Ֆրանսիայի նախագահը:
Հիշեցնենք, որ 2001թ. հունվարի 29-ին Ֆրանսիան դարձավ առաջին խոշոր եվրոպական երկիրը, որը ցեղասպանության ճանաչմանը տվեց օրենքի ուժ, իսկ 2019 թվականին, Էմանուել Մակրոնի հրամանագրով ապրիլի 24-ը Ֆրանսիայում պաշտոնապես հռչակվեց Հայոց ցեղասպանության հիշատակի ազգային օր:
