Բոլոր հայրենասեր ուժերը պետք է համախմբվեն։ Սա իշխանության կռիվ չէ, հայապահպանության կռիվ է։
«Ուժեղ Հայաստան»-ի հետ դաշինք կազմած և համագործակցող քաղաքական ուժերի հետ հանդիպմանն ասել է Սամվել Կարապետյանը։
«Շատ ուրախ եմ, որ համագործակցելու ենք իրար հետ, քանի որ միայն միասնական ուժերով կարող ենք այս չարիքը հանել մեր երկրից։ Ավերում են մեր եկեղեցիները, դրա տեղը հայտարարում են, որ Հայաստանում կառուցելու են հարյուրավոր մզկիթներ։
Դրա համար բոլոր հայրենասեր ուժերը պետք է համախմբվեն։ Սա իշխանության կռիվ չէ, հայապահպանության կռիվ է։ Ձևական խաղաղության անվան տակ ամեն ինչ անում են, որ ապահովեն Ադրբեջանի ներկայությունը մեր երկրում։ Արդեն ունենք նման խաղաղության փորձեր՝ Արևմտյան Հայաստան, շատ խաղաղ է, բայց առանց հայերի, Նախիջևան, որտեղ շատ խաղաղ է, բայց առանց հայերի, Արցախ, որտեղ շատ խաղաղ է, բայց առանց հայերի։
Պետք է պայքարենք, որ հանկարծ Աստված չանի իրավիճակը լավագույն դեպքում մեզ համար Սյունիքում չլինի, վատագույն դեպքում Հայաստանում չլինի»,- նշել է նա։
