Արաքսյա Գրիգորյանը ֆեյսբուքյան իր էջում գրում է․
10 ամիս առանց մեր ընկերոջ։
Ամեն օր, ամեն պահ զգում ենք, թե որքան դատարկ է ՔՈ տեղը, թե որքան մեծ է ՔՈ բացակայությունը։
Մեր բոլորի համար ՔՈ բացակայությունը ոչ մի րոպե չի դարձել սովորական, մեր անփոխարինելի ԸՆԿԵՐ։
Ամեն օր հիշում ենք Քո խոսքը, Քո սկզբունքայնությունը, Քո ազնվությունը և այն անսահման նվիրվածությունը, որով ապրում ու աշխատում էիր հանուն համայնքի, հանուն մեր հայրենիքի։
Քեզ ճանաչող յուրաքանչյուր մարդ գիտի, թե ինչ արժեքներ էիր կրում, ինչ պայքար էիր մղում և որքան մեծ հետք էիր թողել մարդկանց կյանքում ու հենց այդ պատճառով ՔՈ հիշատակը շարունակում է ապրել ոչ միայն մեր հիշողություններում, այլ նաև այն գործերում ու գաղափարներում, որոնց համար պայքարում էիր։
10 ամիս անց, մենք ոչ միայն հիշում ենք Քեզ, այլ նաև վերահաստատում ենք մեր պահանջը՝ ամբողջական, անկողմնակալ և արդար բացահայտում։
Հիշատակդ վառ մեր բոլորի հավերժ համայնքապետ, մեր բոլորի հավերժ ընկեր Վալոդյա Գրիգորյան/Valodya Grigoryan, Valodya Grigoryan ջան։
