Կիևի հետ հազվագյուտ հողային մետաղների վերաբերյալ համաձայնագիրը ԱՄՆ-ին իրավունք է տալիս ցանկացած պահի գալ Ուկրաինա և վերցնել գրեթե այն ամենը, ինչ անհրաժեշտ է։ Այս մասին հայտարարել է ԱՄՆ նախագահ Դոնալդ Թրամփը, փոխանցում է ՏԱՍՍ-ը։
«Ուկրաինան շատ հարուստ է հազվագյուտ հողային մետաղներով։ Մենք ունենք հազվագյուտ հողային մետաղների վերաբերյալ ստորագրված պայմանագիր։ Մենք կարող ենք ցանկացած պահի գալ այնտեղ և վերցնել գրեթե այն ամենը, ինչ կցանկանանք։ Սա բավականին լավ գործարք է»,-ասել է նա ամերիկացի լրագրող Սթիվ Գրուբերին տված հարցազրույցում։
