Թալին համայնքի ղեկավար Տավրոս Սափեյանը ֆեյսբուքյան իր էջում գրում է․
Այսօր հանդիպում ունեցա Ֆրանսիայի քույր քաղաք Բուրգ-լե-Վալանսի քաղաքապետի տեղակալ, միջազգային հարաբերությունների, Հայաստանի հետ համագործակցության և ֆրանկոֆոնիայի հարցերի համակարգող Ռոբերտ Թաֆանկեջյանի հետ։
Հանդիպման ընթացքում քննարկեցինք Թալին և Բուրգ-լե-Վալանս քաղաքների միջև համագործակցության խորացման, համատեղ ծրագրերի իրականացման և նոր նախաձեռնությունների զարգացման հնարավորությունները։
Երկուստեք կարևորեցինք սերտ շփումների շարունակականությունը, փոխադարձ փորձի փոխանակումը և երկու քաղաքների միջև բարեկամական ու գործընկերային հարաբերությունների հետագա ամրապնդումը։
