Քաղաքագետ Հայկ Մարտիրոսյանի ֆեյսբուքյան գրառումը․ «Ես առաջինն էի ու մինչ այսօր մնում եմ միակը մի քանի միլիոնանոց հայութան մեջ, որ ոչ միայն դեռևս տարիներ առաջ հանդգնեց, այլև շարունակում է կրկնել, որ ողբերգականորեն, Հայաստանն այլևս գոյություն ունենալու շանս անգամ չունի: Շատերն արդեն սկսել են զգալ դա, ու անգամ ոմանք վերլուծում են նման սցենարներ, բայց ոչ ոք միևնույն է ոչ միայն չի բարձրաձայնում հենց այդ ձևակերպմամբ, այլև բոլորն այնուամենայնիվ շարունակում են տխմարաբար հուսալ թե հրաշք կլինի, թե չքնած ժողովուրդը իբր կզարթնի, թե դա տեղի չի ունենա, թե բալքիմ լավ կԸլնի և նման այլ ապուշություններ: Նաև ասել եմ, որ գործընթացը հանգրվաններով է: Հիմա Տիգրանաշենը վերջին մեծ արարի առաջին հանգրվանն է: Հիմա ավելացնեմ. այլևս քիչ ժամանակ է մնացել: Վերջը մոտ է: Ընդամենը մի քանի տարվա մեջ վերջին վարագույրն այլևս իջած կլինի Հայաստան կոչված այս տարածքի վրա: Ու գործընթացն այդ անդառնալի է: Ում դուր չի գալիս սա լսելը, որ հանկարծ իրենց անգործ հոգիները չբախվեն իրենց անգործության ողբերգական արդյունքին` կարող են իմ էջից գնալ: Հետո, միևնույն է, հարյուրերորդ անգամ համոզվելու են, որ իմ հարյուրերորդ կանխատեսումն իրականություն դարձավ»։
