ՀՀ կառավարության հնգամյա նոր ծրագիրը բաժանարար գիծ է։ Այդ մասին այսօր Ազգային ժողովում հայտարարեց «Ուժեղ Հայաստան» խմբակցության ղեկավար Նարեկ Կարապետյանը։
«Նախորդ 8 տարվա համեմատ այն մեկ տարբերություն ունի` այս կառավարությունը, վարելով վատ արտաքին քաղաքականություն, բերել է 3 պատերազմ։ Կառավարության այս նոր ծրագիրը ես այլ կերպ եմ տեսնում` եթե նախորդ պատերազմները թշնամիների հետ էին, ապա այս կառավարությունը պառակտումների մասին է»,– հայտարարեց նա։
Կարապետյանի խոսքով` երեք պառակտում է սերմանել այս կառավարությունը` Հայաստան-Սփյուռք, Վեհափառ-հավատացյալներ, ներկա-անցյալ` ՀՀ Անկախության հռչակագիր։
«Հարևան երկրի ղեկավարի ցուցումով պետք է փոխվի մեր երկրի ստեղծման փաստաղթուղթը` ՀՀ Անկախության հռչակագիրը։ Սա անարգանք է մեր հանդեպ. անընդունելի է Անկախության հռչակագրի տեքստի ամբողջական փոխումը»,- ընդգծեց Կարապետյանը։
