Տիգրանաշենի հարցին լուծում կտրվի բանակցությամբ, փոխանակման հարց չկա, ճիշտ որոշում պետք է կայացվի: Այս մասին լրագրողների հետ զրույցում ասել է պաշտպանության նախկին նախարար Դավիթ Տոնոյանը:
«Միակ բանը, որ ինձ հիմա այս փուլում ուրախացնում է, դա այն է, որ դեմարկացիան կսկսի, ուրիշ ոչ մի բան չեմ կարող ասել»,-նշել է նա:
Հարցին, թե ինչքանո՞վ է իրատեսական Տիգրանաշենի փոխարեն՝ օրինակ, ինչպես մի քանի անգամ ասել են, Արծվաշենի փոխարինումը, Տոնոյանը պատասխանեց, որ ինքը չի տեսել, որ հարցը այդպես դրված լինի, իսկ հանրային դաշտում շատ մանիպուլատիվ արձագանքներ կան. «Ես չեմ ընթերցել, իսկ հայտարարություններից այդպիսի եզրակացություն չեմ կարող տալ, որ Արծվաշենը կփոխարինվի Տիգրանաշենի հետ։ Ինչ-որ մի բանակցությունների արդյունքում լուծումներ են տրվելու, բայց ոչ այդպիսի փոխանակման մասին:
Ես հիմա տեղեկատվությանը չեմ տիրապետում, այդ պահին կտրվեն գնահատականներ, հուսով եմ, ռազմավարական առումով ճիշտ որոշում կկայացվի, փոխանակումը, փոխզիջումը դիվանագիտական աշխատանքի արդյունք են, հիմա շատ դժվար է ասել, թե ինչ կարող է լինել»,- ասել է նա:
