Նվեր Մնացականյանը ֆեյսբուքյան իր էջում գրում է․
Եթե կան մարդիկ, որ Գյումրիի ռուսական ռազմաբազան Հայաստանի անվտանգության բաղադրիչ են համարում, որը մեզ պաշտպանում է թուրքական ագրեսիայից, ուրեմն պետք է պատասխանեն հարցին, իսկ Արցախի ռուսական ռազմաբազան ումից էր մեզ պաշտպանելու․նույն թուրքը չէր՞ ռուսներին վտարողը Արցախից։ Այնպես որ, ստրկամտություն է, եթե ոչ բթամտություն, հավատալու համար, որ հայ-թուրքական սահմանը ռուս-թուրքական քաղաքական շուկայում գրոշի արժեք ունի։ Այդ սահմանը նրանց համար արժեք չի ունեցել անգամ այն ժամանակ, երբ ռուսներն ու թուրքերը պատերազմել են։ 2021-ին էլ հավատում էիք, որ մեր սահմանը կպահեն ադրբեջանական ագրեսիայից։ Հիմա Պուտինն ասում է․եթե Հայաստանը համարում է, որ ռուսական ռազմաբազան իրեն պետք չէ, մենք թեկուզ վաղը կհեռանանք։ Սա նույնքան վտանգավոր դեմագոգիա է․ որքան փոխարտգործնախարար Գալուզինի ասածը, թե Ռուսաստանի արածը ԵԱՏՄ-ում Հայաստանի հանդեպ տնտեսական տեռոր չէ։ Իսկ ինչ է՞, չեն ուզում հարցնել Երևանից։ Կամ չեն ուզում վերջապես պարզել․այդ ռազմաբազայի ծախսերը Հայաստանի վզին փաթաթելը ճորտատիրական ժամկետով միայն Պերմյակովներ բուծելու համար է՞։ Այս հարցերը չեն հնչի նաև կուլիսներում, քանի դեռ հաջորդ Պերմյակովին չեն ուղարկել, որովհետև Կրեմլի այս իշխանությունը Հայաստանը միայն գաղութ է պատկերացնում, այսօր էլ սեպտեմբերի երեքն է՝ գաղութացման օրը․․․
