Ռուսաստանի նախագահ Վլադիմիր Պուտինը այսօր կհանդիպի ամերիկացի բանակցողներ Սթիվ Ուիթքոֆի և Ջարեդ Քուշների հետ: Այս մասին ՏԱՍՍ-ին հայտնել է ՌԴ նախագահի մամուլի քարտուղար Դմիտրի Պեսկովը:
«Այո, նման հանդիպում այսօր նախատեսված է», — ասել է Պեսկովը:
Հիշեցնենք, որ Ուիթքոֆի և Քուշների ինքնաթիռը «Վնուկովո»-ում վայրէջք է կատարել Երևանի ժամանակով 13:52-ին: Օդանավակայանում նրանց դիմավորել է արտասահմանյան երկրների հետ ներդրումային-տնտեսական համագործակցության հարցերով ՌԴ նախագահի հատուկ ներկայացուցիչ Կիրիլ Դմիտրիևը:
Ինչպես սպասվում է, Մոսկվայից հետո Ուիթքոֆն ու Քուշները կայցելեն Կիև:
