Ռուսական խաղաղապահ զորախմբի պատասխանատվության գոտում խախտումներ կամ սադրանքներ չեն արձանագրվել։ Այս մասին հայտնում են ՌԴ ՊՆ-ից։
«Ռուս խաղաղապահների հրամանատարությունը շարունակում է բանակցային գործընթացը հայկական և ադրբեջանական կողմերի հետ՝ Ստեփանակերտ-Գորիս ճանապարհով ավտոմոբիլային տրանսպորտի անխոչընդոտ տեղաշարժը վերսկսելու վերաբերյալ։
Լաչինի միջանցքում, Մարտունու և Մարտակերտի շրջաններում պարեկություն է իրականացվել երեք երթուղիներով։
Ապահովվել է ուխտավորների ուղեկցումն Ամարասի և Գանձասարի վանքեր»,- ասված է հաղորդագրության մեջ։
