Դեկտեմբերի 22-ին, ժամը 11։38-ին Ճգնաժամային կառավարման ազգային կենտրոն ահազանգ է ստացվել, որ Երևանի Մայիսի 9 փողոցի շենքերից մեկի առաջին հարկում հրդեհ է բռնկվել․ ներսում քաղաքացիներ կան։
Տեղեկությունը հայտնում են ՀՀ արտակարգ իրավիճակների նախարարությունից։
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։
Պարզվել է, որ հրդեհը մարվել է տեղի ուժերով։ Մոտ 2 քմ տարածքում մասամբ այրվել են միջսենյակային դուռը, կահույք և մանրահատակ։
Հ․ Թ․-ն (ծնված 1984 թ․) և Ա․ Ա․-ն (ծնված 2010 թ․) այրվածքներով հոսպիտալացվել են «Այրվածքաբանության ազգային կենտրոն» ՓԲԸ, որտեղ բժիշկները տուժածների առողջական վիճակը գնահատել են ծանր, իսկ ծխահարված Ն․ Ա․-ն (ծնված 2015 թ․) և Ն․ Ա․-ն (ծնված 2018 թ․) հոսպիտալացվել են «Մուրացան» ԲԿ, որտեղ բժիշկները նրանց առողջական վիճակը գնահատել են բավարար։
