Հավաստի լուրեր

40 տարվա մեջ առաջին անգամ Օլիմպիական խաղերը չեն ցուցադրվի Ռուսաստանում | ՏԵՍԱՆՅՈՒԹ․ Աննա Հակոբյանը և Նիկոլ Փաշինյանը հարսանիքի են մասնակցել | Ադրբեջանական որևէ հող չի գտնվում Հայաստանի հսկողության ներքո, որ Ադրբեջանն ուզենա հարձակվել. Իրանի դեսպան | ԱՄՆ պետքարտուղարի տեղակալը Հայաստանում է | ՏԵՍԱՆՅՈՒԹ․ Բոլորը պատրաստվում են իրար փոր թափելու, իսկ իշխանությունները ուտել-խմելու. Արման Աբովյան | Հուսով եմ՝ իրական ընդդիմությունը սերտել է նախորդ անհաջողությունների դասերը. Արմեն Աշոտյան | Ալիևի պահանջը՝ Երևանին | Ինչու՞ է հայ-իրանական սահմանային անցակետում Իրանի քաղաքացին ծեծի ենթարկվել | Մենք կանգնեցրել ենք արյունահեղությունը․ Սրբազան | Կրшկոց՝ Արմավիրի մարզում․ սեփական տան ննջասենյակում հայտնաբերվել է տղшմшրդու մшրմին | ՏԵՍԱՆՅՈՒԹ․ Կյանքիս ամենագեղեցիկ անակնկալը. Սոնա Ռուբենյանն ու ամուսինը նշում են նշանադրության 3-րդ տարին | Տարադրամի փոխարժեքներն այսօր | Ողբերգական վթար. կա զnհ, վիրшվոր | Կոտայքի պարեկները ոչ տեսանելի վայրում հայտնաբերել են անօգնшկшն ու արնшքшմ լինող երիտшսшրդի | Ողբերգական լուր Թուրքիայից. կան զոհեր

Լրահոս

Ադրբեջանի ԱԳՆ-ն արձագանքել է Փաշինյանի՝ սահմանին զnրքերի կուտшկմшն մասին հայտարարությանը

Սեպտեմբերի 7-ին ՀՀ կառավարության նիստում վարչապետ Նիկոլ Փաշինյանի մեղադրանքներն այն մասին, որ Ադրբեջանը սրում է ռազմաքաղաքական իրավիճակը տարածաշրջանում և ուժեր է կենտրոնացնում տարածաշրջանում, «Երևանի հերթական կեղծ քաղաքական շահարկումների մասն են» (չակերտները՝ Tert.am)։  Այս մասին ասված է Ադրբեջանի արտաքին գործերի նախարարության հայտարարության մեջ։

Դրանում նշվում է, որ տարածաշրջանի անվտանգության իրական վտանգը «Հայաստանի կողմից ռազմական և քաղաքական սադրանքների շարունակումն է, հայկական կողմի, այդ թվում՝ Նիկոլ Փաշինյանի շարունակվող պնդումները Ադրբեջանի տարածքային ամբողջականության և ինքնիշխանության դեմ, ինչպես նաև հայկական զինված ուժերը, որոնք, խախտելով իրենց պարտավորությունները, դեռ ամբողջությամբ դուրս չեն բերվել Ադրբեջանի տարածքներից» (չակերտները՝ Tert.am)։

«Տարածաշրջանում խաղաղություն և անվտանգություն հաստատելու համար հայկական կողմը պետք է հրաժարվի Ադրբեջանի նկատմամբ տարածքային հավակնություններից, վերջ տա ռազմական և քաղաքական սադրանքներին, դադարեցնի խաղաղության պայմանագրի բանակցային գործընթացի հաջող ավարտի խոչընդոտները», — ասված է Ադրբեջանի ԱԳՆ հայտարարությունում:

Հիշեցնենք, որ այսօր Փաշինյանն ասել է, որ նախորդ շաբաթվա ընթացքում ռազմաքաղաքական իրավիճակը մեր տարածաշրջանում էականորեն սրվել է, պատճառն այն է, որ Ադրբեջանը օրեր շարունակ զորքեր է կուտակում ԼՂ-ի շփման գծում և Հայաստան-Ադրբեջան սահմանագծի երկայնքով:

Նրա խոսքով՝ ադրբեջանական լրատվամիջոցներում և տեղեկատվական հարթակներում  ավելի է  ահագնացել հակահայկական և ատելության հռետորաբանությունը։ Նա նշեց, որ Հայաստանի ինքնիշխան տարածքի նկատմամբ շարունակվում է ոտնձգությունների քաղաքականությունը։

Բացի այս, վարչապետը նաև ընդգծեց, որ Լեռնային Ղարաբաղում հումանիտար ճգնաժամը հասել է գագաթնակետին։

«Ադրբեջանը այս գործողություններով ի ցույց է դնում ընդդեմ ԼՂ-ի և ՀՀ-ի նոր ռազմական սադրանք ձեռնարկելու իր մտադրությունը»,- ասաց նա։

Ըստ Փաշինյանի՝ իրավիճակն այնպիսին է, որ միջազգային հանրությունը, ՄԱԿ-ի ԱԽ-ի անդամ երկրները պետք է լրջագույն միջոցներ ձեռնարկեն մեր տարածաշրջանում նոր պայթյունը կանխելու համար:

«ՀՀ–ն պատրաստ է և ցանկանում է, որ խաղաղության ու հարաբերությունների կարգավորման պայմանագիր կնքել Ադրբեջանի հետ։ Մենք մեր հավատարմությունն ենք հայտնում խաղաղության օրակարգին»,- նշեց վարչապետ։

Facebook
Twitter

Կարդացեք նաև