Այսօր՝ նոյեմբերի 24-ին, ուղիղ եթերի ժամանակ Նիկոլ Փաշինյանը ասաց, որ ներկա պահի դրությամբ դեռևս պարզ չէ՝ Ադրբեջանը համաձա՞յն է, վերահաստատո՞ւմ է 3 սկզբունքների շուրջ խաղաղության պայմանագիր կնքել Հայաստանի հետ, թե ոչ:
Ըստ Փաշինյանի՝ այդ սկզբունքներից առաջինը հետևյալն է, որ Հայաստանն ու Ադրբեջանը ճանաչում են միմյանց տարածքային ամբողջականությունը, այն ըմբռնմամբ, որ Հայաստանի տարածքը 29 800 քկմ է, Ադրբեջանինը՝ 86 600 քկմ:
Երկրորդ սկզբունքն այն է, որ դելիմիտացիայի հիմքը Ալմաթիի հռչակագիրն է:
Իսկ երրորդ սկզբունքը՝ որ երկու երկրների կոմունիկացիաները պետք է բացվեն երկրների իրավազորության, սուվերենության հարգմամբ՝ փոխադարձության և հավասարության սկզբունքի հիման վրա:
