Վիվա-ՄՏՍ-ը հայտարարում է բաժնետիրոջ փոփոխության մասին: Ըստ այդմ՝ ընկերությունը դադարում է ռուսական «ՄՏՍ» խմբի մաս կազմել: Ընկերության նոր բաժնետերը «Ֆեդիլքո Գրուպ Լիմիթիդ» (“FEDILCO GROUP LIMITED”) ընկերությունն է, որի սեփականատերերը եվրոպական ու ասիական ներդրողներ են:
«Վիվա-ՄՏՍ-ը` որպես Հայաստանի ՏՀՏ ոլորտի առաջատար ու նորարար տեխնոլոգիական ընկերություն, մշտապես եղել է տեղական ու միջազգային խոշոր ընկերությունների ուշադրության կիզակետում՝ որպես բարձր շահավետությամբ աշխատող և արդյունավետ կառավարումով ակտիվ, նոր ներդրումներ կատարելու տեսանկյունից խոստումնալից ընկերություն: Վիվա-ՄՏՍ-ը Հայաստանի առաջատար ՏՀՏ ընկերություն է՝ ծառայությունների լայն շրջանակով: Ընկերությունն ունի 2 միլիոնը գերազանցող հաճախորդային բազա, մշտապես ապահովում է աճի կայուն տեմպ ու բարձր շահութաբերություն: Այն ունի կորպորատիվ կառավարման արդյունավետ համակարգ ու հզոր, կայացած, պրոֆեսիոնալ թիմ Վիվա-ՄՏՍ-ը կառավարման մշակույթների և բիզնես-մոդելների հարուստ խառնուրդ է (rich mix), ինչը ընկերության մրցակցային առավելության և առանձնահատկության հիմքն է»,-ասել է Վիվա-ՄՏՍ-ի գործադիր տնօրեն Արմեն Ավետիսյանը։
Վիվա-ՄՏՍ-ն իր ներդրումներն իրականացնում է գործունեությունից առաջացող շահույթից, գրավադրված չէ և ծանրաբեռնված չէ վարկային պարտավորություններով, ֆինանսապես լիովին ինքնաբավ է, աշխատակիցներին առաջարկում է մրցակցային աշխատավարձ: Ներդրումների ծավալը կշարունակի մնալ ոչ պակաս, քան նախկինում կատարվածը:
Վիվա-ՄՏՍ-ն առաջինն է ու միակը Հայաստանում 5G ցանցի ներդրման, ինչպես նաև առաջինն է եղել 4G ցանց ու մարզերում 3G ցանց ներդնելու առումով: Ընկերությունը մեծ ուշադրություն է դարձնում բնապահպանական տեխնոլոգիաների կիրառմանը իր բջջային կապի ամենաընդարձակ ենթակառուցվածքում: Ընկերությունն իր գործունեության ամբողջ ընթացքում բաժնետերերի համաձայնությամբ ու գործուն աջակցությամբ իրականացրել է սոցիալական ներդրումների հսկայածավալ ծրագրեր: Վիվա-ՄՏՍ-ը Հայաստանում կորպորատիվ սոցիալական պատասխանատվության առաջամարտիկ է և օրինակ՝ այլ ընկերությունների համար: Սոցիալական ծրագրերի շրջանակը, ներդրումների ծավալը (մոտ 28 միլիարդ ՀՀ դրամ) ու ներդրումների սոցիալական ազդեցությունն անգնահատելի են՝ արևային էներգիայից մինչև ստարտափներ, տնաշինությունից մինչև առողջապահություն, մշակույթից մինչև սպորտ:
Վիվա-ՄՏՍ-ը եղել է, կա և ապագայում ևս մտադիր է մնալ Հայաստանի ՏՀՏ ոլորտի ամենաառաջադեմ, նորարար ու սոցիալապես պատասխանատու ընկերությունը, խոշոր հարկատու ու գործատու:
Վիվա-ՄՏՍ-ի կառավարումը կշարունակի իրականացնել ներկայիս ղեկավար թիմը՝ գլխավոր տնօրեն Արմեն Ավետիսյանի ղեկավարությամբ:
«Ֆեդիլքո Գրուպ Լիմիթիդ»-ի մասին
«ՄՏՍ Հայաստան» ՓԲԸ-ի նոր բաժնետերը «Ֆեդիլքո Գրուպ Լիմիթիդ»-ն (“Fedilco Group Limited”) է, որի սեփականատերերը եվրոպական ու ասիական ներդրողներ են:
«Ֆեդիլքո Գրուպ Լիմիթիդ»-ը Կիպրոսում գրանված ընկերություն է, որի վերջնական շահառու (բենեֆիցիար) սեփականատերերն են Չժե Ժանգը և Կոնստանտին Սոկոլովը:
Ե՛վ Պրն. Ջը Ջանգը, և՛ Պրն. Կոնստանտին Սոկոլովը պրոֆեսիոնալ ներդրողներ են՝ հեռահաղորդակցության, ֆինանսների, էներգետիկայի և ակտիվների կառավարման ոլորտներում գործունեության հարուստ փորձով։
Հեռահաղորդակցության ոլորտում նրանց բազմակողմանի փորձը, որը զուգորդվում է ոլորտային հատուկ գիտելիքներով և հեռանկարային մոտեցումներով, նրանց դարձնում է ոլորտի առանձնահատկություններին տիրապետող արժեքավոր մասնագետներ: Ավանդական դերերից բացի՝ նրանց գիտելիքները տարածվում են նաև զարգացող տեխնոլոգիաների և շուկայի միտումների վրա՝ դրանք դիրքավորելով որպես արժեքավոր ակտիվ այս դինամիկ ոլորտում:
Ընթանալով դեպի նորարարություն՝ Չժե Ժանգը և Կոնստանտին Սոկոլովը բծախնդիր կերպով հավաքել են բացառիկ հմուտ թիմ՝ տնօրենների խորհուրդ ձևավորելու համար: Հեռահաղորդակցման, ֆինանսների, կառավարման և բանկային գործերում փորձ ունեցող մասնագետներ, այս անձինք աչքի են ընկնում միջազգային որակավորումներով, որոնք անհրաժեշտ են «ՄՏՍ Հայաստան» ՓԲԸ-ի պես հեռահաղորդակցման առաջադեմ ընկերություն կառավարելու համար:
Այս ռազմավարական կազմը ամուր հիմք է ապահովում նորարարությունը խթանելու, աճ գրանցելու և «ՄՏՍ Հայաստան» ՓԲԸ-ն որպես հեռահաղորդակցության դինամիկ ոլորտի առաջատար դիրքավորելու համար:
Նշենք նաև, որ Հայաստանի համար «ՄՏՍ Հայաստան» ՓԲԸ-ի ռազմավարական նշանակությունը հաշվի առնելով՝ «Ֆեդիլքո Գրուպ Լիմիթիդ»-ը մտադրված է բաժնետոմսերի 20%-ը փոխանցել Հայաստանի Հանրապետությանը` անհատույց։
