Սանկտ Պետերբուրգի կառավարությունն ու բնակիչները խորապես վրդովված են և խստորեն դատապարտում են Երևանում պաշարված Լենինգրադի երեխաների հուշարձանի մոտ տեղի ունեցած վանդալիզմը։ Այս մասին հայտնում է Սանկտ Պետերբուրգի արտաքին կապերի կոմիտեի մամուլի ծառայությունը։
«Մենք խորապես և անկեղծորեն ցավում ենք, որ այսօր ոչ բոլորն են հասկանում ֆաշիզմի դեմ խորհրդային ժողովրդի հաղթանակի պատմական նշանակությունը, նրա հսկայական դերը ողջ մարդկության համար ճշմարտության, արդարության և մարդասիրության իդեալների հաստատման գործում:
Սանկտ Պետերբուրգի կառավարությունն անկեղծորեն հույս է հայտնում, որ այս անբարոյական և խորապես սադրիչ արարքը համապատասխան գնահատականի կարժանանա բարեկամ Հայաստանի իրավապահ մարմինների կողմից, իսկ բոլոր մեղավորները կարժանանան արդար պատիժի»,- ասված է հաղորդագրությունում։
