44-օրյա պատերազմում զոհված կապիտան Իշխան Պետրոսյանի դուստրը` Մարգարիտա Պետրոսյանը, ֆեյսբուքյան իր էջում գրում է․
Իմացա, որ դպրոցներին հրաման է իջեցվել, որպեսզի դպրոցներից հանվեն փառքի անկյունները։
Ես չգիտեմ, թե ինչպես են այդ հրամանը կատարելու դպրոցների տնօրենները, չգիտեմ, թե ինչ բացատրություն են տալու աշակերտներին ուսուցիչները, չգիտեմ, թե ինչ սրտով են երեխաներին դպրոց ճանապարհելու ծնողները, բայց մեկ բան շատ հստակ հասկանալի է. թյուրքական ցեղի շահերը պաշտպանող օրվա իշխանությունը պատրաստ է ամեն հնարավոր ստոր քայլի, միայն թե մեծ եղբայրը գոհ մնա։
Գիտեք, երբեք չեմ երազել, որպեսզի հորս կամ քեռուս փոխարեն տեսնեմ այդ փառքի անկյունները կամ խաչքարերը ու ոչ մեկին չեմ ցանկանա, որ իր հորը գրկելու փոխարեն սփոփվի հոր փառքի անկյունով, բայց սրանք ինձանից խլեցին ոչ միայն հորս, այլ նաև հիմա ուզում են խլել հորս թողած անունն ու հուշերը։
