Ալեքսանդր Լուկաշենկոն՝ Ադրբեջանի Միլլի Մեջլիսի նախագահ Սախիբա Գաֆարովայի հետ հանդիպման ժամանակ ասել է, որ Բելառուսը կմասնակցի օկուպացված Արցախի տարածքներում վերականգնման աշխատանքերին։
Նա նշել է, որ ջերմությամբ է հիշում այդ տարածքներ իր այցը՝ Ադրբեջանի նախագահ Իլհամ Ալիևի ուղեկցությամբ։
«Շուշայում (Շուշի-Խմբ.) ես նրան ասացի. «Դրախտում եք ապրում»: Լինելով մեր մոլորակի շատ անկյուններում՝ ես ոչ մի տեղ չեմ տեսել նման վայր՝ մաքուր օդ, գեղեցիկ բնություն։ Համոզված եմ, որ այս տարածքներում կյանքը վերականգնելով ևս մեկ սխրանք էլ կանեք»,- ասել է Լուկաշենկոն։
Նա հավելել է, որ իրենք ուրախ կլինեն մասնակցել այս աշխատանքներին, իրենք որոշել են ուղղությունները, ոչ մի խոչընդոտ չկա։
