Երևանի քաղաքապետարանի աշխատակազմի լրատվության վարչությունից NewDay.am-ին հայտնում են․
Երևան համայնքը 2024թ. բյուջեից շուրջ 50 մլն դրամ կհատկացնի հեղեղումներից տուժած Ալավերդի քաղաքին: Այսօր կայացած նիստում ավագանին միաձայն հավանություն տվեց որոշման նախագծին:
***
«Մաքս Մեդ» ՍԲԸ-ն շուրջ 600 մլն դրամի ներդրում կանի «Գրիգոր Նարեկացի» բժշկական կենտրոն ՓԲԸ-ում: Երևանի ավագանու որոշմամբ մասնավորին տրված հավատարմագրային կառավարման ժամկետը երկարաձգվեց ևս հինգ տարով: Ներդրումային ծրագիրը հնարավորություն կտա էլ ավելի հզորացնել բժշկական կենտրոնի ժամանակակից տեխնոլոգիաներն ու քաղաքացիներին մեկ վայրում մատուցել անհրաժեշտ բոլոր ծառայությունները:
***
Այսպիսով՝ Երևանի ավագանին ամփոփեց 2-րդ նստաշրջանի աշխատանքները: Համայնքի օրենսդիրը 3-րդ նստաշրջանի առաջին նիստը կգումարի սեպտեմբերի 10-ին:
