Ռուսաստանում փետրվարի 5-ից կսկսվի անօրինական միգրանտների արտաքսման ռեժիմը։ Այս մասին Telegram-ի իր ալիքում հայտնել է ՌԴ Պետդումայի նախագահ Վյաչեսլավ Վոլոդինը։
«Կգործի օրենք, որը նախատեսում է անօրինական միգրանտների արտաքսման ռեժիմ։ Նրանք, ովքեր չեն համապատասխանում Ռուսաստանի Դաշնության օրենքներին կամ կորցրել են այստեղ օրինական բնակության իրավունքը, չպետք է լինեն մեր երկրում: Այս միջոցառումն ուղղված է անվտանգության բարձրացմանը»,- գրել է նա։
Պատգամավորը բացատրել է, որ ռեժիմը գործելու է տեղահանության և վարչական վտարման ռեժիմներին զուգահեռ։
Նրա խոսքով, արտաքսման ռեժիմի տակ գտնվող օտարերկրյա քաղաքացիները գրանցվելու են հատուկ գրանցամատյանում, ինչպես նաև պահանջվելու է ոստիկանության աշխատակիցներին տեղեկացնել իրենց գտնվելու վայրի մասին:
