«Վազգեն. Վերջին Սպարապետը» ֆիլմի մտահղացման հեղինակ և գլխավոր պրոդյուսեր Նոնա Սարգսյանը՝ Վազգեն Սարգսյանի եղբոր դուստրը, պատմել է ֆիլմի ստեղծման պատմության ու անցած բարդ ճանապարհի մասին:
«Հորեղբորս՝ Սպարապետ Վազգեն Սարգսյանի մասին ֆիլմ նկարահանելը ինձ համար եղել է երկար տարիների երազանք ու փոքր քայլերով գնում էի իմ երազանքի հետևից:
Երևի ամեն ինչ իր ժամանակին պետք է լինի: Հիշում եմ, երբ ծնվեց իմ աղջիկը, ես հասկացա, որ ես երբեք ավելի ուժեղ ու վստահ չեմ եղել ու հիմա ես պատրաստ եմ այդ պատասխանատվությունը վերցնեմ ինձ վրա:
Հետո սկսվեցին աշխատանքները: Առաջին մարդն, ում հետ կիսվել եմ հարազատներիցս բացի, եղել է Արամ Կարապետյանը, ում շատ սիրում եմ: Ինքը հենց առաջին վայրկյանից ինձ հավատացել է, ոգևորել ու ոգևորվել է:
Երբ հարց առաջացավ, թե ով պիտի լինի ֆիլմի ռեժիսորը, ինձ համար այդ հարցը քննարկման ենթակա էլ չէր, որովհետև ինքը պիտի լիներ: Ինձ համար շատ կարևոր էր, որ ինքը կարողանում է այդ ֆիլմը նայել իմ աչքերով:
2-րդ մարդը, ում մասնակցությունն էլ չի քննարկվել, դա եղել է Խորեն Լևոնյանը: Անգամ հարց չի առաջացել, ով պիտի Սպարապետի կերպարը ներկայացնի:
Բարդ էր նկարահանման ընթացքը, շատ լարված, թվում էր, թե մենք պատերազմի մեջ էինք: Թիմը շատ լավն էր, պինդ էր, մի ընտանիքի նման էր, բայց պարտավորեցնող էր: Այնքան շատ էր ճիշտ անելու, չսխալվելու ցանկությունը, որ երբեմն թվում էր, թե խտանում է էմոցիաները ու հեսա պիտի պայթի, բայց ի սկբանե ես ինձ խոսք էի տվել, որ պետք է լինեմ, պինդ, ամուր, երբեք, ինչ էլ պատահի չպետք է խուճապի մատնվեմ, որպեսզի թիմն էլ խուճապ չզգա»,- անկեղծացել է Նոնո Սարգսյանը:
Ֆիլմը էկրան կբարձրանա մարտի 5-ին՝ Սպարապետի ծննդյան օրը: Այն կցուցադրվի նաև ԱՄՆ-ում և տարբեր երկրներում:
Посмотреть эту публикацию в Instagram
