Skip to main content

Հայաստանը պատկանում է Հայաստանի քաղաքացիներին, պատկանում է այն մարդուն, ով քվեարկում է առանց վախի, որ հետապնդվելու է. Նաիրի Սարգսյան (տեսանյութ) | ՏԵՍԱՆՅՈՒԹ․ Աժ-ում մեկ րոպե լռությամբ հարգեցին Արսեն Գևորգյանի հիշատակը | ՏԵՍԱՆՅՈՒԹ․ Վալոդյա Գրիգորյանի եղբայրը հուզվեց | ՏԵՍԱՆՅՈՒԹ․ Կարող ա, տատու, քեռու եզան գեղից քեզ պատմել են, լսել ու եկել ինձ հարց ես տալիս. Սասուն Միքայելյան | ՏԵՍԱՆՅՈՒԹ․ Կռիվ պետք ա ստեղ, Ղազարյան ջան, իսկ քեզ հլը ուշ չի ծառայելը. Սասուն Միքայելյանը՝ Էդգար Ղազարյանին | ՏԵՍԱՆՅՈՒԹ․ Ամեն դատարան չպետք է կարողանա կալանք կիրառել մեր համախոհների նկատմամբ. Չալաբյան | ՏԵՍԱՆՅՈՒԹ․ Հայկ Սարգսյանի օրենքն արտոնյալների համար է եղել. Վիլեն Գաբրիելյանի առաջարկը՝ Ժաննա Անդրեասյանին | Սպասվում է կարճատև անձրև. ջերմաստիճանը կնվազի 3-5 աստիճանով | Երանոս գյուղում «Mercedes G»-ն բшխվել է գազալցակայանի տարածքում լիցքավորվող «ՎԱԶ 2121»-ին, ապա լիցքավորման սարքավորմանը. առաջացել է գազի արտահոսք. կա վիրավnր | Արևմուտքը կընդունի՞ արդյոք ՆԱՏՕ-ի՝ մինչև ընդլայնումն ունեցած տեղակայմանը վերադառնալու պահանջները՝ դեռևս մեծ հարց է. դաշինքն առանց առճակատման՝ դժվար թե գնա նման զիջումների. Զաքարյան | ՀՀ-ի և Ադրբեջանի քաղհասարակության ներկայացուցիչների հերթական հանդիպումը կկայանա մինչև տարվա ավարտը | ՏԵՍԱՆՅՈՒԹ․ Սուրեն Պապիկյանի պաշտոնավարման 5 տարին. ՊՆ-ի անդրադարձը | ՏԵՍԱՆՅՈՒԹ․ Ողբերգական դեպք Կոտայքում. 18- ամյա աղջիկ է մահացել | Կապանում անցկացվեց ավանդույթ դարձած կուրկուտի փառատոնը | «Վալոդյան հոգատար հայր ու ամուսին էր, նվիրված որդի, անփոխարինելի ընկեր». Այսօր Վալոդյա Գրիգորյանը կդառնար 43 տարեկան

Լրահոս

Նկարչուհի, դիզայներ Աննա Հարությունյանը Միլանի նորաձևության շաբաթվա շրջանակում արժանացել է «Լավագույն հավաքածու» մրցանակին

ՀՀ վաստակավոր նկարիչ, հագուստի դիզայներ Աննա Հարությունյանը ժամանակ առ ժամանակ իր ստեղծած հագուստի յուրահատուկ հավաքածուները ներկայացնում է աշխարհի հեղինակավոր հարթակներում՝ պատմելով տարբեր քաղաքակրթությունների, մշակույթների մասին։

Այս անգամ Հարությունյանն իր «Հնագույն քաղաքակրթություններ» հավաքածուով հանդես է եկել Միլանի նորաձևության շաբաթվա (Milan Fashion Week) ընթացքում կազմակերպված World Fashion Festival Award-ին և արժանացել է «Լավագույն հավաքածու» մրցանակին։ «Միջոցառմանը մասնակցում էր 47 դիզայներ աշխարհի տարբեր երկրներից։ Սկզբում իր հավաքածուն ներկայացրեց Լյուքսեմբուրգից ժամանած մի դիզայներ, որը, եթե չեմ սխալվում, թագավորական ընտանիքից էր, այնուհետև ես ներկայացրի իմ հավաքածուն, որը տպավորեց բոլորին։ Հավաքածուն բաղկացած է մի շարք հագուստներից, սակայն այս անգամ ցուցադրեցինք 16-ը։ Ե՛վ հագուստները, և՛ աքսեսուարները մեծամասամբ ձեռքի աշխատանք են, որոնց հեղինակը ես եմ։ Ցուցադրությունը ներկայացրինք թատերականացված բեմադրության տեսքով։ Բեմադրությունը ևս ես եմ արել։ Միշտ էլ փորձում եմ նոր ձևաչափով, նոր գաղափարներով հանդես գալ։ Իտալիայում հենց դա արժևորեցին՝ մոտեցումը, հագուստների կտորը, ձեռագործ աշխատանքը, որը բարձր է գնահատվում։ Ամբողջական աշխատանքը հիացմունք պատճառեց ներկաներին»,-նշում է Հարությունյանն ու հավելում՝ ինչպես ավելի վաղ Նյու Յորքում, այնպես էլ Միլանում իր հավաքածուն ցուցադրել է «Հող» խմբի երաժշտության ներքո, ինչը ևս գրավիչ է եղել։

 

Յուրաքանչյուր ցուցադրություն անելիս Աննա Հարությունյանն աշխատում է տարբեր ազգերի մոդելների հետ։ Այս անգամ համագործակցել է բրազիլացի, իտալացի, ռումինացի, ռուս, էստոնացի մոդելների հետ։ Ներկայացումն ամբողջացրել է հենց իր մասնակցությամբ։ Հարությունյանը ևս հանդես է եկել որպես մոդել, ինչը հազվադեպ երևույթ է ոլորտում։

«Ժյուրին ևս միջազգային կազմ ուներ։ Շատ հաճելի էր, որ նրանք խոսում էին հավաքածուի ինքնատիպությունից, ասում, որ հրաշալի շոու ենք ներկայացրել։ Մասնակցում էր հիսուն երկիր, և յուրաքանչյուրը հետաքրքիր հավաքածուով էր ներկայանում, սակայն ես գիտեի, որ մեր անկեղծությունը կգնահատվի։ Երբեք չեմ կեղծում. ո՛չ ինձ եմ խաբում, ո՛չ հանդիսատեսին»,-շեշտում է նա։

Աննա Հարությունյանը հավաքածուներ է ստեղծում՝ մարդկանց ուշադրությունը համամարդկային արժեքների վրա հրավիրելու համար։ Նրա գործերի առանցքում աշխարհն է, կրոնն է, անհատն է, տարբեր ազգերն են՝ իրենց ավանդույթներով ու սովորույթներով։

«Հնագույն քաղաքակրթություններ» հավաքածուի միջոցով դիզայները հին աստվածների կերպարներն է կերտել, Ասորեստանի, Բաբելոնի, Հայաստանի ժողովուրդների ինքնությունն է ընդգծել։ Նպատակն է տարբեր ժողովուրդներին միավորել մեկ Աստծո լույսի գաղափարի շուրջ։ Ցանկանում է վերակենդանացնել ու ժամանակակից լեզվով մատուցել պատմությունը։ Հարությունյանի հավաքածուի հերոսները կենդանանում ու մարդկանց սթափության կոչ են անում, հիշեցնում, որ եղել են, չեն վերացել ու հորդորում են չմոռանալ իրենց արմատների մասին։

Հարությունյանը չի բացառում՝ հնարավոր է, որ մի օր աշխարհում նվաճումներ ունեցած հավաքածուն ցուցադրվի նաև Հայաստանում։

Facebook
Twitter

Կարդացեք նաև