Դուբլինի Միջազգային և եվրոպական հարցերի ինստիտուտում (IIEA) կայացած հանդիպման ժամանակ վարչապետ Նիկոլ Փաշինյանը խոսել է «Իրական Հայաստան» գաղափարախոսության մասին։
Նա նշել է, որ այն հիմնված է Հայաստանի պետական և ազգային շահերի վրա։
«Մենք պետք է փոխենք մեր ժողովրդի ճակատագիրը, դրա համար մենք պետք է հաղթահարենք զայրույթը, թշնամանքը և հուսահատությունը, հուսալքումը, պետք է դադարենք հենվել ուրիշների վրա, պետք է հենվենք մեզ վրա»,- ասել է Փաշինյանը։
Նա հավելել է, որ Հայաստանի Հանրապետությունն է այն սուբյեկտը, որն ամբողջությամբ նվիրված է իր քաղաքացիների ազգային շահերի պաշտպանությանը։
