Հանրային, մշակութային գործիչ, Գյումրու քաղաքապետի թեկնածու Ռուբեն Մխիթարյանն իր աջակցությունն է հայտնել Բաքվի բանտերում ապօինաբար պահվող Արցախի ռազմաքաղաքական ղեկավարությանը․
«Ռուբեն Վարդանյանի հետ ես աշխատել եմ «Ավրորա» մարդասիրական մրցանակաբաշխություններից երկուսի ընթացքում:
Ռուբենի աչքերում միշտ եղել է հավատ առ մերձավորի, հավատ առ մարդկություն, հավատ առ քաղաքակրթություն:
Այսօր Ռուբենը, Բակոն, Արկադին, Արայիկը, Լևոնը և Դավիթները մատնված են ոչ միայն քաղաքակրթության, այլև Հայաստանի իշխանությունների անտարբերությանը:
Նրանք իմ և ձեր հայրենակիցներն են… արյունակիցներն են… հայեր են:
Նրանց կռիվը մեր կռիվն է: Հիշե՛ք: Մի՛շտ»,- սոցցանցի իր էջում գրել է Ռուբեն Մխիթարյանը։
