ԱՄՆ նախագահ Դոնալդ Թրամփը տիկնոջ հետ ժամանել է Հռոմ՝ մասնակցելու Հռոմի պապի հուղարկավորության արարողությանը։
«Հենց նոր վայրէջք կատարեցի Հռոմում։ Հաջող օր է Ռուսաստանի և Ուկրաինայի հետ բանակցություններում և հանդիպումներում», -գրել Է Թրամփը:
Ուկրաինայի նախագահ Վլադիմիր Զելենսկին կնոջ հետ ևս ժամանել է Հռոմ։
Ավելի վաղ Թրամփն արձագանքել էր Զելենսկու հետ հանդիպման հնարավորությունը, կարճ պատասխանելով լրագրողների հարցին. «Հնարավոր է»։
Հռոմի պապի հուղարկավորության արարողությանը մասնակցելու համար Հռոմ է այցելել նաև Վրաստանի վեցերորդ նախագահ Միխեիլ Կավելաշվիլին։
Հիշեցնենք, որ Հայաստանից Հռոմի պապի հուղարկավորությանը կմասնակցեն ՀՀ նախագահ Վահագն Խաչատուրյանը և Գարեգին Բ-ն։
Ավելի վաղ Արամ Ա-ն ևս հայտարարել էր, որ կմասնակցի։
Հիշեցնենք, որ Հռոմի պապ Ֆրանցիսկոսը մահացել է ապրիլի 21-ին։
