«Ինտերի» կիսապաշտպան Հենրիխ Մխիթարյանը կարծում է, որ Չեմպիոնների լիգայի կիսաեզրափակչում «Բարսելոնայի» հետ առաջին խաղը (3-3) խելահեղ էր։
«Դա խելահեղ հանիպում էր։ Հիանալի հանդիպում էր դիտելու համար, բայց շատ դժվար էր։ Մենք արեցինք այն ամենը, ինչ կարող էինք։
Կարծում եմ՝ կարող էինք ավելի լավ հանդես գալ։ Առաջին խաղակեսում մենք այդքան երկար առաջ էինք, բայց նախապես չէինք մտածում, որ արդեն հաղթել ենք։
«Բարսելոնան» մեծ ճնշում էր գործադրում։ Կատալոնացիները շատ լավ էին գնդակի հետ վարվում: Ցավոք, 2-3 սանտիմետրի պատճառով իմ գոլը չգրանցվեց, բայց ոչինչ չես կարող անել։ Հավանաբար, իմ մեծ ձգտման պատճառով հայտնվեցի խաղից դուրս վիճակում։ Հավանաբար, ամբողջ կյանքում կհիշեմ այդ դրվագը։ Հույս ունեմ՝ պատասխան խաղում կգրավեմ մրցակցի դարպասը»,- Մխիթարյանի խոսքերն է մեջբերում ՈՒԵՖԱ-ի մամուլի ծառայությունը։
Պատասխան հանդիպումը կկայանա Իտալիայում՝ հաջորդ երեքշաբթի։
