Կոռուպցիան մենք համարում ենք մեր ազգային անվտանգության սպառնալիք, դրա համար Անվտանգության խորհրդի գրասենյակը սրանով ևս զբաղվում է: Այս մասին ճեպազրույցի ժամանակ ասել է ԱԽ քարտուղար Արմեն Գրիգորյանը:
«Քանի որ կոռուպցիայի դեմ պայքարը կառավարության համար առաջնահերթություն է, և Անվտանգության խորհուրդը նաև դրա շրջանակներում է աշխատանքներ կատարում:
Եվ հրապարակումները, որոնք կան մամուլում, այդ հրապարակումների մասին մենք հավաքագրում ենք և տեղեկացնում ենք նաև զեկույցով վարչապետին՝ համարելով, որ կոռուպցիայի դեմ պայքարն առաջնահերթություն է և ազդում է ՀՀ անվտանգության վրա»,-ասել է Գրիգորյանը:
Գրիգորյանը նաև ավելացրել է, որ Հայաստանի և Ադրբեջանի միջև խաղաղության պայմանագրի ստորագրման հարցում որևէ նոր բան չկա:
«Խաղաղության պայմանագրի բանակցություններում որևէ նոր բան չկա, այն ինչ հարապարակային եղել է, կարելի է ասել այդքանն է, եթե որևէ նոր բան լինի, բնականաբար մենք կտեղեկացնենք հանրությանը»,-ասել է նա:
