ՆԱՏՕ-ի գլխավոր քարտուղար Մարկ Ռյուտեն հայտարարել է, որ լիակատար ըմբռնումով է մոտենում Ուկրաինային զենքի մատակարարումները կրճատելու ԱՄՆ-ի որոշմանը: Այս մասին փոխանցում է ՌԻԱ «Նովոստին»։
«Ես լիովին հասկանում եմ, որ Միացյալ Նահանգները պետք է միշտ այնպես անի, որ իր սեփական շահերը պաշտպանվեն»,-ասել է նա Fox News հեռուստաալիքին տված հարցազրույցում՝ մեկնաբանելով Վաշինգտոնի կողմից Կիևին զենքի առանձին տեսակների մատակարարումների դադարեցումը:
Միևնույն ժամանակ, Ռյուտեն հրաժարվել է ուղղակիորեն պատասխանել այն հարցին, թե արդյոք ՆԱՏՕ-ի ղեկավարությունը նախապես տեղյակ է եղել ԱՄՆ-ի նման որոշման մասին։
