Իրանը կարող է դուրս գալ միջուկային զենքի չտարածման մասին պայմանագրից և սկսել հարստացնել ուրանը 60 տոկոսից բարձր մակարդակի, եթե միջազգային պատժամիջոցների ճնշումը շարունակվի։ «Արմենպրես»-ի հաղորդմամբ՝ այս մասին հայտարարել է Իրանի խորհրդարանի ազգային անվտանգության և արտաքին քաղաքականության հանձնաժողովի ներկայացուցիչ Էբրահիմ Ռեզային։
«Իրանն այս պահին միայն դադարեցրել է լրացուցիչ արձանագրության կամավոր կատարումը, սակայն մինչ օրս մնում է միջուկային զենքի չտարածման մասին պայմանագրի անդամ, սակայն պատժամիջոցների շարունակման պարագայում օրակարգում կարող են հայտնվել պայմանագրից դուրս գալը, 60 տոկոսից բարձր ուրանի հարստացումը, արդիականացված ցենտրիֆուգների արտադրությունն ու արտահանումը, ինչպես նաև միջուկային ոլորտում միջազգային հարաբերությունների ընդլայնումը»,- Ռեզայիի խոսքը մեջբերում է «Tasnim» գործակալությունը։
