Ուկրաինայի արտաքին գործերի նախարարությունը դատապարտել է հոլիվուդյան կինոռեժիսոր Վուդի Ալենի մասնակցությունը Մոսկվայի կինոշաբաթին:
Ամերիկացի ռեժիսորը տեսակապի միջոցով մասնակցել է Մոսկվայի կինոփառատոնին, որտեղ զրուցել է Ֆյոդոր Բոնդարչուկի հետ: Նա նշել է, որ չի պլանավորում ֆիլմեր նկարահանել Ռուսաստանում, քանի որ որևէ առաջարկ չի ստացել:
Ուկրաինայի արտաքին գործերի նախարարությունը խստորեն դատապարտել է Ալենի մասնակցությունը՝ այն որակելով «անարգանք և վիրավորանք ռուսական ագրեսիայից տուժած ուկրաինացի դերասանների և կինոգործիչների զոհերի նկատմամբ»։ Նախարարությունը շեշտել է, որ մշակույթը չպետք է օգտագործվի «հանցագործությունները սպիտակեցնելու և քարոզչության գործիք ծառայելու համար»։
