Երբ HuffPost-ի թղթակիցը հարցրել է, թե ով է ընտրել Բուդապեշտը ԱՄՆ-ի և Ռուսաստանի նախագահներ Դոնալդ Թրամփի և Վլադիմիր Պուտինի հաջորդ հանդիպման համար, Սպիտակ տան բարձրաստիճան պաշտոնյաները պատասխանել են . «Ձեր մայրը»։ Այս մասին հաղորդում է հրատարակությունը, փոխանցում է rbc.ru-ն։
«Ո՞վ է ընտրել Բուդապեշտը որպես հանդիպման վայր»,-հարցրել է լրագրողը։
Սպիտակ տան մամուլի քարտուղար Քերոլայն Լևիթը պատասխանեց. «Ձեր մայրն է ընտրել»։ Եվ որոշ ժամանակ անց հաղորդակցության տնօրեն Սթիվեն Չունգը կրկնել է կատակը՝ շփվելով լրագրողների հետ:
Նույն լրագրողը այնուհետև հարցրել է, թե արդյոք նա իր պատասխանը ծիծաղելի է համարում։ «Ինձ համար ծիծաղելի է, որ դուք ձեզ ընդհանրապես լրագրող եք համարում։ Դուք ծայրահեղ ձախ գրչակ եք, որին ոչ ոք լուրջ չի վերաբերվում, այդ թվում՝ ձեր գործընկերները լրատվամիջոցներում։ Դադարեք ինձ ուղարկել ձեր ոչ անկեղծ, կողմնակալ և մոլորեցնող հարցերը»։
