2018 թվականի հայտնի դեպքերից հետո ժողովրդի մոտ կեղծ դրական սպասումներ առաջացան, որ շուտով վարկերի տոկոսներ, տույժեր, տուգանքներ, բոլորը պետությունն է մարելու, թալանված գումարը վերաբաշխվելու է մարդկանց մեջ, ինչի ֆոնին նրանք սկսեցին ավելի շատ վարկեր ներգրավել: Այս մասին ասել է «Հայաստանը ես եմ» նախաձեռնության ղեկավար Նաիրի Սարգսյանը:
«Երբ այդպիսի սպասում ես ունենում, նշանակում է՝ ունես աշխատավարձի բարձրացման սպասում, վարկ ես վերցնում որևէ ծախս արագացնելու համար, վճարումդ հետաձգելու, բայց, բանից պարզվում է՝ քո աշխատավարձը չի բարձրանում, բնականաբար դժվար է կամ անհնար է դառնում այդ վարկը սպասարկելը, ինչը տեղի ունեցավ ՀՀ քաղաքացիների հետ»,-նշել է նա:
