Հասարակական գործիչ Անի Կարապետյանը գրում է.
Ինչ սենտիմենտալ եք որոշներդ։
Հայաստանի ողնաշարը ջարդելուց, Արցախը կապիտուլյացիայի ենթարկելուց, հազարավոր տղաների կյանքը հողին հանձնելուց հետո՝ այսօր ուզում եք, որ ես հուզվե՞մ Գագիկ Խաչատրյանի հաշմանդամության խղճուկ տեսարանից։
Գագիկ Խաչատրյանն այս երկրի ամենահարուստ մարդկանցից մեկն է։ Իսկ այդ հարստության ճանապարհին տնտեսության հետ ինչ է կատարվել՝ բոլորս շատ լավ գիտենք։
Եթե իմ երկրի տնտեսությունը լափում են, դա ուղիղ հարված է բանակին ու իմ զինվորին։ Որովհետև թալանված տնտեսությունը նշանակում է թուլացած պետություն, թուլացած բանակ և վտանգված զինվոր։
Ես արդարամիտ եմ և երբեք կեղծ բարոյագետ չեմ խաղացել։ Եվ չեմ պատրաստվում բարոյականություն խաղալ այս երկիրը լափածների նկատմամբ, որոնք իրենք բարոյականություն չեն ունեցել սեփական հայրենիքի ու ժողովրդի նկատմամբ։
Սա է այն ամենը, ինչ պետք է հիշել։
Թող մյուսներն էլ նայեն ու հասկանան՝ փողը միշտ չէ, որ փրկում է։ Հատկապես հարամ ճանապարհով ձեռք բերված փողը։ Այն մի օր կարող է ոչ թե փրկել, այլ խորտակել։
Կներեք, բայց որոշ մարդկանց սենտիմենտալությունը չափազանց ընտրողական է եւ կեղծ։
