Մասիս Շիրոյանը ֆեյսբուքյան իր էջում գրում է․
ՔՊ-ն կողմ է հանրաքվեին, որովհետև Ալիևն է տենց ուզում, որովհետև նաև Պուտինն է դեմ տվել, ու ասում է Փաշինյանին, որ աջակցում է վերջինիս նախաձեռնած հանրաքվեին։
Գնդակը խորհրդարանական ընդդիմության դաշտում է, ու չփորձեք ասել, որ դուք ՈՉ-ի կողմնակից եք, դրանով իսկ հող նախապատրաստելով 6 կողմ կամ միգուցե միաձայն կողմ քվեարկելով հանրաքվեի անցկացմանը, հետո էլ մեկնաբանելով, որ իբր հանուն անկախության, բայց ՀԱՊԿ-ի ու ԵԱՏՄ-ի անփոխարինելիության քարոզ տանելով իրականում ատելություն գեներացնեք ՈՉ-ի նկատմամբ, ու երկքայլանոց կոմբինացիայով հայ ժողովրդին իրականում դրդեք գնալ ԱՅՈ քվեարկելու։
Հիշեցնում եմ, որ Խորհրդարանական ընդդիմության միակ անելիքը այս պահին հանրաքվեն կանխելն է, ցանկացած այլ պարագայում իրենք ուղիղ կերպով դառնում են շարքային քպ-ականներ, ու չկա ոչ մի արդարացում, ոչ մի բայց, ոչ մի հիմնավորում։
Մարտական Եղբայրություն միաբանությունը դեռ 2024 թվականից ասել է, որ հանրաքվեի հարց կա, ու մենք դեմ ենք ցանկացած արտաքին պարտադրանքին, այս պահին ի դեմս Ալիևի և Պուտինի պարտադրանքներին, չնայած եթե դա անեն Մակրոնը և Թրամփը մեր արձագանքը ու անելիքները չեն փոխվելու։
Ու մենք փաստում ենք, որ խորհրդարանական ուժերի կողմից հանրաքվեն հաստատելու պարագայում, իսկական ՈՉ-ի հարթակ ստեղծելու շուրջ պատրաստ ենք հայկական խրամատում կանգնել իրապես անկախության համար պայքար մղող ուժերի հետ, անկախ նրանից, թե մնացած հարցերի շուրջ որքան տարաձայնություններ ունենք, բացառելով միայն խորհրդարանական ուժերին(վերևում նշել եմ, հանրաքվեի լինելու դեպքում իրենք ավտոմատ դառնում են ՔՊ-ի կցորդներ, իսկ մեր պայքարը նրանց օրակարգերի դեմ է 2020 թվականի նոյեմբերի 9-ից սկսած):
Հ.գ. Հայաստանի Հանրապետությունը վեր է ամեն ինչից ու ամենքից։
