Արտաքին թշնամու առկայության պայմաններում ներսից այս պառակտումը բացառապես արտաքին թշնամիների քաղաքական օրակարգից բխող քաղաքականություն է։ Այս մասին ԱԺ ֆինանսավարկային և բյուջետային հարցերի հանձնաժողովի նիստի ընթացքում ասել է «Հայաստան» խմբակցության պատգամավոր Արթուր Խաչատրյանը։
«Ականատես ենք լինում սիրո և համերաշխության հեղափոխության հետևանքներին, համերաշխության խոստումներով իշխանության եկած քաղաքական ուժը հաջողացրեց հասարակության մեջ անհամերաշխությունը հասցնել պատմական մաքսիմումի, և սա ձեր քաղաքականության տրամաբանական հետևանքն է։ Երբ խոսում է Լևոն Քոչարյանը, Փաշինյանն ասում է՝ քո հոր ժամանակ եղել է հոկտեմբերի 27–ը, չնայած՝ 8,5 տարի է հոկտեմբերի 27-ի գործի վրա մի չոփ ավել չեք դրել բացահայտման հարցում։
Երբ խոսում է Նարեկ Կարապետյանը, ասում եք՝ քո հայրը եղել է «Հանրապետական» կուսակցությունից, եղել է աշխատակազմի ղեկավար և այլն։ Այս կործանարար անիվի ընթացքը դադարեցնելու համար այս թափանիվը շարժման մեջ դրած քաղաքական ուժը պետք է քաղաքական խիզախություն և պատասխանատվություն զգա և դադարեցնի հասարակությունը պառակտելու իր քայքայիչ գործունեությունը»,- նշել է Խաչատրյանը։
