Skip to main content

ՏԵՍԱՆՅՈՒԹ․ Արսենին ինֆարկտի ժամանակ ցավազրկող են սրսկել. Նարեկ Կարապետյան | ՏԵՍԱՆՅՈՒԹ․ Իշխանությունը մահվան մանգաղը ձեռքին հնձում է մարդկային ճակատագրեր, կյանքեր | Դատարանն արձանագրել է հիմնավոր կասկածի բացակայությունը, Գոռ Համբարձումյանին առաջադրված մեղադրանքն անհիմն էր. Գայանե Պապոյան | Իրանը պատրաստ է Հայաստանում նավթավերամշակման գործարան կառուցել․ Իրանի նավթի նախարար | ՔՊ-ից միայն մեկ հոգի է ցավակցել Արսեն Գևորգյանի մահվան կապակցությամբ, մի բան պարզ է՝ մարդկությունը չպետք է կորցնենք. Նարեկ Կարապետյան | Երևանում կարող է գործել կենտ և զույգ համարանիշներով երթևեկության սահմանափակում | Եթե ես հանկարծ բանտում մահանшմ, ինձ հետ և իմ հիշատակի հետ այդպես չվարվեք. Արման Եղոյանը՝ կուսակիցներին | Հատկապես տնտեսական ոլորտում Հայաստանի ու Հնդկաստանի միջև առկա է համագործակցության մեծ ներուժ. Արամ Վարդևանյան | ՏԵՍԱՆՅՈՒԹ․ Նոր սահմանադրության դիզայնը Բաքվում է արվել, Ալիևի հետ անգամ ՀՀ ջրային ռեսուրսների հարցն է քննարկել | Երևան-Սևան ավտոճանապարհին բшխվել են «Ford Transit»-ն ու «ԶԻԼ» բեռնատարը. մեկ հոգու տեղում բուժօգնություն են ցուցաբերել | Սահմանադրությունը չեն փոխելու, մենք թույլ չենք տալու․ Սամվել Կարապետյան | Հայաստանում մեր գործունեությունն անկախ է և Գագիկ Ծառուկյանի հետ գործարար կապեր չունենք. «Սթորմ Ինթերնեյշնլ»-ի հայտարարությունը | ՏԵՍԱՆՅՈՒԹ․ Ազատություն Գագիկ Ծառուկյանին, ազատություն Բաքվում պահվող գերիներին | ՏԵՍԱՆՅՈՒԹ․ Արմեն Գրիգորյանը խոսքի համար մահացա՞վ, լու՞րջ եք ասում, ՀՀ-ում քաղբանտարկյալ չկա․ Ռուբինյան | Քաղաքական միտքն այս մասին լռում է. մի՞թե Նիկոլին հաջողվել է սպшնել նաև միտքը. Արտակ Զաքարյան

Լրահոս

Կաթողիկոսի հեռացման գործընթացը նոր փուլում է․ իշխանությունների հաջորդ քայլը. «Ժողովուրդ»

«Ժողովուրդ» օրաթերթը գրում է. ««Ժողովուրդ» օրաթերթի տեղեկություններով՝ իշխանական շրջանակներում հստակ քննարկվել է Ամենայն Հայոց Կաթողիկոս Գարեգին Բ-ի հրաժարականին հասնելու հետագա քայլերի հարցը։

Մեր աղբյուրների փոխանցմամբ՝ իշխանությունները մտադիր են տարբեր իրավական և քաղաքական մեխանիզմներով շարունակել Կաթողիկոսի հեռացման ուղղությամբ սկսված գործընթացը։

Հիշեցնենք՝ նախորդ տարվա ընթացքում իշխանությունների և վարչապետ Նիկոլ Փաշինյանի կողմից հրապարակային հայտարարություններ ու պահանջներ են հնչել Կաթողիկոսի հրաժարականի վերաբերյալ։ Սակայն Գարեգին Բ-ն հրաժարական չի ներկայացրել, և եկեղեցու ղեկավարի հեռացման հարցը չի ստացել իշխանությունների ակնկալած հանգուցալուծումը։

Այժմ գործընթացը տեղափոխվում է խորհրդարան։ ԱԺ-ում իրավունքի ուժով ստեղծվել է Հայաստանյայց Առաքելական Սուրբ Եկեղեցում առաջացած ճգնաժամն ուսումնասիրող քննիչ հանձնաժողով։ Դրա ստեղծման մասին հայտարարել է ԱԺ նախագահ Ռուբեն Ռուբինյանը։ Հանձնաժողովի ձևավորման իրավական հիմքը պատգամավորների ընդհանուր թվի առնվազն մեկ քառորդի պահանջն է։ ԱԺ ՔՊ խմբակցության պատգամավոր Արման Եղոյանը կգլխավորի հանձնաժողովը։ Նախատեսվում է, որ հանձնաժողովը կունենա 11 անդամ՝ 7-ը ՔՊ-ից, 4-ը՝ ընդդիմությունից։ Իշխանական խմբակցությունը հայտարարել է, որ ցանկանում է աշխատանքները սկսել հաջորդ շաբաթվանից։

Ուշագրավ է, թե ում է ՔՊ-ն վստահում այս գործընթացի ղեկավարումը։ Արման Եղոյանը վերջին շրջանում աչքի է ընկել խորհրդարանում ընդդիմադիր պատգամավորների հետ սուր առճակատումներով։

Մասնավորապես, սեպտեմբերի 15-ին ԱԺ-ում Քրիստինե Վարդանյանի հետ բանավեճի ժամանակ Եղոյանը հայտարարել էր, որ Վարդանյանը պետք է լինի հայ քաղաքական կյանքի վերջին դաշնակցականը։ Այդ արտահայտությունը քննադատության էր արժանացել ընդդիմադիր պատգամավորի կողմից։

Եվ ահա այժմ հենց Եղոյանին է վստահվում եկեղեցու շուրջ ստեղծված իրավիճակի ուսումնասիրության խորհրդարանական գործընթացը ղեկավարելու պատասխանատվությունը։

Այս պատմության ամենաուշագրավ հանգամանքն այն է, որ Կաթողիկոսի հեռացման հարցը պարզապես առանձին քաղաքական հայտարարությունների մակարդակում չէ։

2026–2031 թվականների կառավարության ծրագրի «Հոգևոր անվտանգություն» բաժնում հստակ նշված է, որ պետք է ապահովվի Հայաստանյայց Առաքելական Սուրբ Եկեղեցու «փաստացի պետի հեռացումը (հանգստի կոչումը)», ընտրվի կաթողիկոսական տեղապահ, ընդունվի Եկեղեցու կանոնադրությունը, ապա սահմանված կարգով ընտրվի Ամենայն Հայոց նոր Կաթողիկոս։

Այսինքն՝ գործադիր իշխանության հաստատած ծրագրում արդեն իսկ ամրագրված է Եկեղեցու գործող ղեկավարի հեռացմանն ուղղված քաղաքական նպատակը։ Իսկ այժմ խորհրդարանական քննիչ հանձնաժողովը դառնում է այդ օրակարգի իրականացման նոր փուլերից մեկը։

Հանձնաժողովի ուսումնասիրության պաշտոնական առարկան ձևակերպված է որպես Եկեղեցում առաջացած ճգնաժամի, մի շարք հոգևորականների գործունեության և Եկեղեցու՝ հայ ժողովրդի հոգևոր կյանքում, ազգային մշակույթի զարգացման ու ինքնության պահպանման գործում իր բացառիկ առաքելությունը չկատարելու խնդիրների ուսումնասիրություն։

Հատկանշական է նաև, որ հանձնաժողովի աշխատանքի հիմքում դրվելու է վարչապետի հանձնարարությամբ պատրաստված զեկույցը։ Այն հրապարակել է վարչապետի աշխատակազմի Հանրային կապերի և տեղեկատվության կենտրոնը։ Փաստաթուղթը ներկայացնում է Եկեղեցում առկա խնդիրների վերաբերյալ իշխանությունների արձանագրումներն ու դրանց լուծման առաջարկները։

Այս համատեքստում հարց է առաջանում՝ արդյոք հանձնաժողովի նպատակը միայն Եկեղեցու կառավարման ու գործունեության խնդիրներն ուսումնասիրելն է, թե՞ այն նաև ծառայելու է կառավարության ծրագրով նախանշված՝ Կաթողիկոսի հեռացման օրակարգի առաջմղմանը։

Քննիչ հանձնաժողովի շուրջ արդեն իսկ ձևավորվել է քաղաքական հակադրություն։ Հոկտեմբերի 2-ին խորհրդարանական ընդդիմության ներկայացուցիչները հայտարարել են, որ չեն մասնակցելու հանձնաժողովի աշխատանքներին։

Ստացվում է՝ նախատեսված 11 անդամից 4 տեղը հատկացվելու էր ընդդիմությանը, սակայն ընդդիմադիր ուժերը չեն ցանկանում ներգրավվել գործընթացում։ Հանձնաժողովի վերջնական կազմը և ընդդիմադիր տեղերի համալրման հարցը դեռ պետք է հստակեցվեն։

Ընդդիմության չմասնակցելու պայմաններում հանձնաժողովի աշխատանքները կարող են ընթանալ առանց խորհրդարանական ընդդիմության ներգրավման։ Սա հատկապես ուշագրավ է այն պատճառով, որ ուսումնասիրվող հարցը վերաբերում է ոչ միայն քաղաքական իշխանության և Եկեղեցու հարաբերություններին, այլև կրոնական կառույցի ինքնակառավարման ու կանոնական կարգի շուրջ վեճին։

Ի դեպ, դեռ օգոստոսին Հայկական բարեգործական ընդհանուր միությունը հայտարարել էր, որ Կաթողիկոսի հրաժարականի կամ ընտրության հարցերը չեն կարող թելադրվել քաղաքական իշխանության կողմից՝ հղում անելով Եկեղեցու ինքնակառավարման սկզբունքին և կրոնական ազատության երաշխիքներին։

Այսպիսով, կառավարության ծրագրում Կաթողիկոսի հեռացման նպատակի ամրագրումից հետո իշխանություններն անցնում են խորհրդարանական քննության փուլին»։

Facebook
Twitter

Կարդացեք նաև