Skip to main content

ՏԵՍԱՆՅՈՒԹ․ Արսենին ինֆարկտի ժամանակ ցավազրկող են սրսկել. Նարեկ Կարապետյան | ՏԵՍԱՆՅՈՒԹ․ Իշխանությունը մահվան մանգաղը ձեռքին հնձում է մարդկային ճակատագրեր, կյանքեր | Դատարանն արձանագրել է հիմնավոր կասկածի բացակայությունը, Գոռ Համբարձումյանին առաջադրված մեղադրանքն անհիմն էր. Գայանե Պապոյան | Իրանը պատրաստ է Հայաստանում նավթավերամշակման գործարան կառուցել․ Իրանի նավթի նախարար | ՔՊ-ից միայն մեկ հոգի է ցավակցել Արսեն Գևորգյանի մահվան կապակցությամբ, մի բան պարզ է՝ մարդկությունը չպետք է կորցնենք. Նարեկ Կարապետյան | Երևանում կարող է գործել կենտ և զույգ համարանիշներով երթևեկության սահմանափակում | Եթե ես հանկարծ բանտում մահանшմ, ինձ հետ և իմ հիշատակի հետ այդպես չվարվեք. Արման Եղոյանը՝ կուսակիցներին | Հատկապես տնտեսական ոլորտում Հայաստանի ու Հնդկաստանի միջև առկա է համագործակցության մեծ ներուժ. Արամ Վարդևանյան | ՏԵՍԱՆՅՈՒԹ․ Նոր սահմանադրության դիզայնը Բաքվում է արվել, Ալիևի հետ անգամ ՀՀ ջրային ռեսուրսների հարցն է քննարկել | Երևան-Սևան ավտոճանապարհին բшխվել են «Ford Transit»-ն ու «ԶԻԼ» բեռնատարը. մեկ հոգու տեղում բուժօգնություն են ցուցաբերել | Սահմանադրությունը չեն փոխելու, մենք թույլ չենք տալու․ Սամվել Կարապետյան | Հայաստանում մեր գործունեությունն անկախ է և Գագիկ Ծառուկյանի հետ գործարար կապեր չունենք. «Սթորմ Ինթերնեյշնլ»-ի հայտարարությունը | ՏԵՍԱՆՅՈՒԹ․ Ազատություն Գագիկ Ծառուկյանին, ազատություն Բաքվում պահվող գերիներին | ՏԵՍԱՆՅՈՒԹ․ Արմեն Գրիգորյանը խոսքի համար մահացա՞վ, լու՞րջ եք ասում, ՀՀ-ում քաղբանտարկյալ չկա․ Ռուբինյան | Քաղաքական միտքն այս մասին լռում է. մի՞թե Նիկոլին հաջողվել է սպшնել նաև միտքը. Արտակ Զաքարյան

Լրահոս

Արմեն Գրիգորյանին ՔՊ-ից հեռացնելու հարց չի քննարկվում․ Հասմիկ Հակոբյան

Ազգային ժողովի «Քաղաքացիական պայմանագիր» խմբակցության  պատգամավոր Հասմիկ Հակոբյանը հայտարարել է, որ Անվտանգության խորհրդի նախկին քարտուղար Արմեն Գրիգորյանին «Քաղաքացիական պայմանագիր» կուսակցությունից հեռացնելու հարց այս պահին չի քննարկվում։

Հասմիկ Հակոբյանի խոսքով՝ Գրիգորյանը շարունակում է մնալ իրենց կուսակցական գործընկերը և ներդրում ունի Ադրբեջանի հետ խաղաղության գործընթացում արձանագրված ձեռքբերումներում։ Հակոբյանը նշել է, որ ամբողջությամբ չի հետևել հոդվածի վերաբերյալ Արմեն Գրիգորյանի՝ «Սիվիլնեթ»-ին տված հարցազրույցին, սակայն շեշտել է, որ իրենց թիմում քննարկման համար փակ թեմաներ չկան։

«Մեր թիմում առհասարակ չկա թեմա, որը քննարկման առարկա չի կարող լինել։ Ցանկացած հարց մենք թիմում քննարկում ենք, որևէ կաշկանդվածություն չունենք»,- ասել է պատգամավորը։

Հարցին, թե հնարավո՞ր է արդյոք Գրիգորյանը հեռանա կուսակցությունից կամ հեռացվի, Հակոբյանը պատասխանել է, որ չի կարող ապագայի վերաբերյալ նման երաշխիքներ տալ, սակայն տվյալ պահին այդպիսի քննարկում չկա։

Իսկ իշխող կուսակցության ներսում տարբեր կարծիքների առկայությունը նա բնորոշել է որպես բնականոն երևույթ։

«Ես ձեզ երաշխավորում եմ, որ մեր թիմում բոլոր հարցերի հետ կապված էլ կան տարբեր դիրքորոշումներ, և հաղթում է այն դիրքորոշումը, որն ավելի հիմնավոր է, ավելի շատ է համոզում մնացած գործընկերներին և մեծամասնություն է կազմում»,- նշել է Հակոբյանը։

Անդրադառնալով Գրիգորյանի բարձրաձայնած մտահոգություններին՝ պատգամավորը դրանք համարել է քննարկման ենթակա։

«Ես համարում եմ, որ ԱԽ նախկին քարտուղարը և մեր ներկայիս թիմակիցը, շատ լավ գործընկերը, մտահոգություններ է բարձրաձայնել, որոնք իրավունք ունեն գոյություն ունենալ իրականության մեջ։ Նման տեսակետ կարող է լինել, դա օդից վերցրած ինչ-որ մտահոգություն չէ»,- ասել է նա։

Անվտանգության խորհրդի նախկին քարտուղար Արմեն Գրիգորյանը նոյեմբերի 11-ին հրապարակած «ԵՄ անդամակցության պատրանքը» հոդվածում Հայաստանի՝ Եվրամիությանն անդամակցելու հեռանկարը գնահատել էր որպես անիրատեսական և մտահոգություն հայտնել, որ այդ ուղղությամբ քայլերը կարող են խորացնել Հայաստանի խոցելիությունը Ռուսաստանի ճնշումների նկատմամբ։

Նոյեմբերի 13-ին «ՍիվիլՆեթ»-ին տված հարցազրույցում Գրիգորյանը պնդել էր, որ այդ մտահոգությունները վարչապետին և կառավարության անդամներին ներկայացրել է նաև պաշտոնավարման ընթացքում։ Նա իր հրապարակային դիրքորոշումը կապել էր ՀՀ նոր Սահմանադրության նախագծում ԵՄ անդամակցության դրույթ ներառելու քննարկումների հետ՝ նշելով, որ նման քննարկման բացակայության դեպքում, ամենայն հավանականությամբ, հոդվածը չէր գրի։

Facebook
Twitter

Կարդացեք նաև