Եմենի վարչապետ Ահմեդ Ավվադ բեն Մուբարաքը հրաժարական է տվել։
Նա վարչապետի պաշտոնին նշանակվել էր 2024 թվականի փետրվարին, մինչ այդ զբաղեցնում էր երկրի արտգործնախարարի պշտոնը։
Հրաժարականի որոշումը Ահմեդ Ավվադ բեն Մուբարաքը պայմանավորել է «սահմանադրական լիազորությունները կատարելու և կառավարության կազմում փոփոխություններ իրականացնելու անկարողությամբ»։
Իր հայտարարությունում նա նշել է, որ բազմաթիվ բարդությունների ու դժվարությունների է բախվել գործունեության ընթացքում։
Եմենի Al Masdar Online պարբրականի տեղեկություններով էլ Մուբարաքի հրաժարականի պատճառը կառավարության ներսում տարաձայնություններն են։ Կառավարության վերջին նիստը, ինչպես նշում է պարբերականը, նոյեմբերին է տեղի ունեցել, դրանից հետո նիստեր չեն գումարվել։
