ՌԴ նախագահ Վլադիմիր Պուտինը և Թուրքիայի նախագահ Ռեջեփ Թայիփ Էրդողանը հեռախոսազրույց են ունեցել, քննարկվել է Իրան-Իսրայել հակամարտությունը, հայտնում է ՏԱՍՍ-ը:
Նրանք դատապարտել են Իսրայելի կողմից Իրանի դեմ ռազմական գործողությունները և կոչ արել անհապաղ դադարեցնել ռազմական գործողությունները և վիճելի հարցերը կարգավորել դիվանագիտական միջոցներով։
Թուրքիայի նախագահի աշխատակազմի փոխանցմամբ՝ Էրդողանը Պուտինին ասել է, որ Իսրայելի կողմից Իրանի վրա հարձակումից սկսված բռնության ալիքը սպառնում է ամբողջ տարածաշրջանի անվտանգությանը։
Դիվանագիտությունը Իրանի միջուկային ծրագրի շուրջ խնդիրը լուծելու միակ միջոցն է, ասել է Էրդողանը։
