Բալի կղզու մոտ լաստանավ է խորտակվել, որի հետևանքով զոհվել է առնվազն չորս մարդ: Այս մասին հայտնում է Ռիա Նովոստին՝ հղում անելով AFP-ին:
«Նվազագույնը չորս մարդ զոհվել է, իսկ 23-ը փրկվել է, երբ 65 մարդ տեղափոխող լաստանավը խորտակվել է դեպի Ինդոնեզիայի Բալի կղզի ուղևորվող ճանապարհին», — ասվում է հաղորդագրության մեջ։
Ինդոնեզիայում Ռուսաստանի դեսպանատունը պարզաբանել է, որ նավի վրա օտարերկրյա քաղաքացիներ չեն եղել։
