Փաշինյանը բաժանում է հասարակությունը յուրայինների և իր հետ համաձայն չեղողների: Այս մասին ԲՀԿ քաղաքական թիմի անդամների հրատապ ասուլիսի ժամանակ ասել է ԲՀԿ պատգամավորության թեկնածու Էլինար Վարդանյանը:
«Դուք տեսնո՞ւմ եք, թե ինչպես է իշխող ուժի ղեկավարը քաղաքացու ձեռքից քաշելով պարտադրում նրան, որպեսզի լսի իր վիրավորանքները, իսկ տեսնո՞ւմ եք, երբ ինքը համաձայն չի լինում քաղաքացու հետ, հրահանգում է՝ հեռացնել: Փաշինյանը չի ուզում լսել սեփական երկրի, սեփական քաղաքացիների դժգոհությունը և անձնական ողբերգությունը, որը ապրում են այդ մարդիկ հենց իր և իր իշխանության պատճառով: Միջազգային կառույցների ներկայացուցիչներ, դուք տեսնո՞ւմ եք, որ Փաշինյանը բաժանում է հասարակությունը, յուրայինների և իր հետ համաձայն չեղողների:
Էստեղ, իհարկե, ես ունեմ առաջարկ ուղղված Փաշինյանին, էդ Ձեր համակիրներին լցրեք էդ Ձեր ուրախ ավտոբուսները, մի տեղ ընտրեք, «մասովկայի» համար տարեք իրենց կանգնեցեք և իրականացրեք Ձեր հիստերիաները և քարոզարշավը, եթե մեր հասարակության մեջ կրկին պետք է փորձեք բաժանարար գծեր անցկացնել»:
