«Այո, տեղեր կան, և բնական է, որ սահմանագծում արդեն թշնամու դիրքերը երևում են՝ և՛ հեռադիտակով, և՛ անզեն աչքով ուշադիր դիտելու դեպքում»:
Այս մասին լրագրողների հետ զրույցում ասաց ՔՊ-ական պատգամավոր Արմեն Խաչատրյանը։ Նա որոշ մանրմասներ ներկայացրեց հակառակորդի վերահսկողության տակ անցած դիրքերի վերաբերյալ։
«Տեղ ունենք Խոզնավարում, որ ընդամենը մի քանի մետր է դիրքերի տարբերությունը, և նույնիսկ զինվորներն են երևում՝ դեմքերով։ Սեպտեմբերի 13-ից նրանց առաջխաղացումից հետո մեր դիրքային իրավիճակը թույլ է տալիս անզեն աչքով տեսնել նրանց դիրքերը»,- նշեց պատգամավորը։
Արմեն Խաչատրյանը նաև նշեց, որ այցելել են Ջերմուկի ուղղությամբ սահմանային դիրքեր, իրենց աչքով ենք տեսել այն, ինչը կա։
